Izi nyeshyamba zo muri Yemen zigambye ko zagabye ibitero mu Mijyi ya Tel Aviv, Ashkelon no ku bwato butatu bw’Ingabo za Amerika zikoresheje ibisasu biremereye n’indege za ‘drones’ ariko hari ho ibisasu byagiye bihanurwa nta kintu byangije.

Umuvugizi w’Ingabo z’aba-Houthis, Yahya Saree, yavuze ko bazakomeza kugaba ibitero mu gihe ubushotoranyi bwa Israel kuri Liban na Gaza bwaba budahagaritswe.

Ati “Tuzagaba ibitero byinshi ku mwanzi Israel kandi tuzatsinda mu kigwi cy’amaraso y’abavandimwe bacu bo muri Palestine na Liban.”

Kugeza ubu, intambara hagati ya Israel n’umutwe wa Hezbollah ikomeje gukara kuko kuva ku wa Mbere imaze guhitana abantu 700, aba-Houthis bagasaba ko ibi bikorwa bihagarara.

Inyeshyamba z'aba-Houthis zigambye ibitero byagabwe kuri Israel

Yemen ni igihugu cyegereye Afurika, ni cyo uyu mutwe ubarizwamo

Ahari agashushanyo k'indege, ni uduce Israel imaze kugabamo ibitero by'indege muri Liban