Inteko ya Amerika ntirabona Perezida w’Umutwe w’Abadepite nyuma y’iminsi itatu n’inshuro 11 z’amatora

00:00:00 IGIHE NETWORK

KINYARWANDA

ENGLISH

FRANCAIS

Inteko ya Amerika ntirabona Perezida w’Umutwe w’Abadepite nyuma y’iminsi itatu n’inshuro 11 z’amatora

Yanditswe na IGIHE

Kuya 6 Mutarama 2023 saa 07:43

Yasuwe :

Yavuzweho:

Kevin McCarthy, uhagarariye Aba-Republicains mu matora ya Perezida w’Umutwe w’Abadepite mu Nteko Ishinga Amategeko ya Amerika, yongeye kunanirwa gutsinda muri iki gihe Inteko ifite ibibazo bitari byarigeze bibaho mu myaka igera ku 100 ishize.

Itsinda ry’abakomeye ku mahame y’ishyaka ry’Aba-Republicains banashyigikiye Donald Trump wahoze ari Perezida wa Leta Zunze Ubumwe za Amerika, ryanze guha McCarthy amajwi 218 akenewe kugira ngo atsinde.

Abo ni abadepite bagera kuri 20 b’Aba-republicains batambamiye igerageza ry’amatora ku nshuro ya 11 ku munsi wayo wa gatatu.

Umwe muri bo witwa Ralph Norman uhagarariye leta ya Carolina, yabwiye BBC ko batizeye McCarthy.

Aba-Republicains babonye ubwiganze mu Nteko mu matora yo mu Ugushyingo uyu mwaka ariko bananiwe kurahira cyangwa gutora amategeko kuko batarabona Perezida w’Umutwe w’Abadepite.

Hagati aho Aba-Democrates bakomeje gutora umuyobozi wabo, Hakeem Jeffries, umwirabura wa mbere ugiye guhagararira iri shyaka mu Nteko Ishinga Amategeko.

Biteganyijwe ko abagize Inteko Ishinga Amategeko bongera guhura kuri uyu wa Gatanu, umwaka wa kabiri habaye imvururu zayobowe n’abashyigikiye Trump mu Nteko Ishinga Amategeko, Capitol.