Uyu Murwa Mukuru mushya uherere mu Burasirazuba bw’ikirwa cya Borneo. Izina rishya ry’Umurwa Mukuru risobanuye ‘umwigimbakirwa’ mu rurimi rwo muri icyo gihugu.

Kwimura Jakarta, byatewe n’ibibazo by’imyuzure byari bikunze kwibasira uwo mujyi, ndetse raporo nyinshi mpuzamahanga zigaragaza ko ako gace gashobora kurengerwa n’amazi kakibira mu nyanja.

Indi mpamvu ni uburyo Jakarta yari ituwe cyane ku buryo byabangamiraga gahunda z’iterambere n’ibikorwa remezo bihagije.

Mu 2019 niwo mwaka Perezida Joko Widodo yari yaratanze ngo Umurwa Mukuru ube wimuriwe i Jakarta, icyakora byaje gukomwa mu nkokora n’impamvu zitandukanye.

CNN yatangaje ko ubuso bw’Umurwa Mukuru mushya buzaba bungana na kilometero kare 2,561. Ni agace kari kagizwe ahanini n’amashyamba.

Ikirwa cya Borneo Umurwa Mukuru wimuriwemo, gihuriweho n’ibihugu bitatu birimo Indonesia, Malaysia na Brunei.

Minisitiri w’Imari wa Indonesia, Sri Mulyani yavuze ko Umurwa Mukuru mushya uzubakwa mu byiciro bitanu kugeza mu 2045.

Kubaka uwo mujyi biteganyijwe ko bizatwara miliyari 32 z’Amadolari ya Amerika.

Jakarta ni umwe mu mijyi ituwe cyane kandi wakundaga kurengerwa mu gihe cy'imvura