Aya makuru yatangajwe n’uru ruganda rw’umunyemari Elon Musk ku wa Gatatu tariki 13 Ugushyingo 2024.

Ni icyemezo kireba imodoka za Cybertruck zakozwe hagati ya tariki 6 Ugushyingo 2023 na tariki 30 Nyakanga 2024. Izi zose ngo zifite ikibazo mu ikoranabuhanga rihindura umuriro uvuye muri batiri kugira ngo ubashe gukwirakwizwa no mu bindi bice byose by’imodoka.

Tesla yatangaje ko iki kibazo kigira ingaruka ku muvuduko w’imodoka n’imbaraga zayo ndetse bikaba byateza impanuka.

Biteganyijwe ko abazasubiza izi modoka ku ruganda bazazikorerwa ku buntu, iri koranabuhanga rigasimbuzwa, bakabona kongera kuzigendamo.

Cybertruck ni imodoka uruganda rwa Tesla rwashyize ku isoko mu Ugushyingo 2023. Kugeza ubu uru ruganda rumaze kugurisha izirenga ibihumbi 27.

Imodoka za ‘Cybertrucks’ zirenga 2000 zigiye gusubizwa ku ruganda rwa Tesla kubera ibibazo tekinike zifite