00:00:00 IGIHE NETWORK KN KINYARWANDA EN ENGLISH FR FRANCAIS

Imitungo y’u Burusiya iri muri Amerika igiye kugurishwa ihabwe Ukraine

Yanditswe na IGIHE
Kuya 23 Ukuboza 2022 saa 12:02
Yasuwe :

Sena ya Amerika yemeje ubusabe bwa Guverinoma bwo gufatira imitungo y’abaherwe bo mu Burusiya, abacuruzi n’ibigo byo muri icyo gihugu iri ku butaka bwa Amerika kugira ngo igurishwe ihabwe Ukraine.

Amafaranga azava muri iyo mitungo azahabwa Ukraine nk’ubufasha Amerika imaze igihe iha icyo gihugu ngo kibashe guhangana mu ntambara kimazemo amezi icumi n’u Burusiya.

Abasenateri 68 nibo batoye bemeza iryo tegeko mu gihe 29 baryanze, nkuko Russia Today yabitangaje.

Kugeza ubu Amerika imaze gufatira ibihano ibigo 1077 by’u Burusiya n’abantu 1331 nkuko imibare yo mu kigo Atlantic Council ibigaragaza.

Amerika n’ibihugu by’inshuti zayo kandi byafatiriwe imitungo ya Banki nkuru y’u Burusiya ifite agaciro ka miliyari 300 z’amadolari.

Biteganyijwe ko uyu mushinga w’itegeko uzemezwa n’Abadepite, gusa amahirwe menshi ni uko bazawutora kuko higanjemo abo mu ishyaka ry’Aba-Democrates riri ku butegetsi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .