00:00:00 IGIHE NETWORK KN KINYARWANDA EN ENGLISH FR FRANCAIS

Imbunda yongeye gukora ibara muri Amerika; bane biciwe mu bitaro

Yanditswe na Umwali Zhuri
Kuya 2 June 2022 saa 10:06
Yasuwe :

Abantu bane bishwe barasiwe mu bitaro byo mu Mujyi wa Oklahoma mu gace kitwa Tulsa aho ndetse n’umuntu wabarashe yaje gupfa, Polisi ikavuga ko yiyahuye.

Ubu bwicanyi bwabaye mu masaha y’ijoro ryo ku wa Gatatu aho umugabo yarasiye abantu bane mu bitaro mbere y’uko nawe yirasa.

Uwo mwicanyi ni umugabo w’umwirabura bivugwa ko afite imyaka iri hagati ya 35 na 40. Iyo nsanganya ikimara kuba, Polisi yahise ihagera, isanga mu igorofa rya kabiri ry’ibitaro bya Saint-Francis hari imirambo.

Uwarashe abo bantu yari yakoresheje imbunda nto ya pistolet.

Ubu bwicanyi bubaye bukurikiye ubuherutse kubera i Texas mu gace ka Uvalde aho umusore ukuri muto yishe abantu 21 barimo abana 19 ubwo yabasangaga mu ishuri ry’incuke.

Polisi yahise ikaza umutekano mu gace ubwo bwicanyi bwabereyemo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .