Ikoranabuhanga ry’abanyamerika ryikanze ibisasu by’u Burusiya, ritanga impuruza

Yanditswe na Theogene Uwiragiye
Kuya 17 Ukuboza 2020 saa 11:46
Yasuwe :
0 0

Ikoranabuhanga ry’Igisirikare cya Amerika kiba mu Budage, ryikanze ituritswa ry’ibisasu bya misile ubwo igisirikare cy’u Burusiya cyari kiri mu myitozo.

Kuwa Gatandatu ushize mu gihe u Burusiya bwari mu myitozo ya gisirikare, mu nkambi y’igisirikare cya Amerika iherereye mu Budage mu gace kitwa Ramstein, humvikanye urusaku ruburira rw’ibyuma by’ikoranabuhanga bitewe no kwikanga ko haturikijwe ibisasu byo mu bwoko bwa misile.

Ubusanzwe iyo haturikijwe ibisasu, hari uburyo bw’ikoranabuhanga aho ibyuma kabuhariwe bisohora urusaku rwinshi, mu kuburira abantu ko habayeho ituritswa.

Icyo gihe ibyuma kabuhariwe by’imiyoboro yo mu kirere bya Amerika, byavumbuye ko habayeho iraswa ry’ibisasu mu nyanja ya Okhotsk ituranye n’aho igisirikare cya Amerika gikambitse. Izo satelite zagaragazaga ko ubwato bwa gisirikare bw’u Burusiya (Russian Submarire) burasiye ibisasu bine muri iyo nyanja.

Nyuma yo kumvikana k’urusaku, igisirikare cya Leta Zunze ubumwe za Amerika cyahise gisohora itangazo rihumuriza abatuye muri ako gace bose, kibamenyesha ikibazo cyabayeho.

Igisirikare cya Leta Zunze ubumwe za Amerika kirwanira mu kirere nacyo cyatangaje ko icyabaye ari ukwikanga ku byumva by’ikoranabuhanga gusa.

Gusa nubwo mu matangazo menshi Amerika yumvikanishije ko nta kidasanzwe cyabaye uretse imyitozo, bamwe mu bahanga mu by’umutekano babwiye CNN dukesha iyi nkuru ko habayeho ituritswa ry’ibisasu. Bemeza ko igisirikare cy’u Burusiya cyashakaga kuburira Abanyamerika ko hari imirongo batagomba kurenga uturutse aho inkambi yabo iherereye.

Muri 2018, habayeho ukwikanga nk’uku, ubwo ibyuma by’ikoranabuhanga byasohoraga urusaku ruburira abantu ko hari ibisasu bya misile byari byerekejwe muri leta ya Hawaii muri Amerika.

Ikoranabuhanga ry'abanyamerika ryikanze ibisasu by'Abarusiya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .