USA: Ikigo gishinzwe ibiribwa n’imiti cyasohoye urutonde rw’imiti isukura intoki ikwiye kwirindwa

Yanditswe na Habimana James
Kuya 23 Kamena 2020 saa 09:05
Yasuwe :
0 0

Ikigo gishinzwe Ibiribwa n’Imiti muri Leta Zunze Ubumwe za Amerika, FDA, cyagiriye inama abantu kudakoresha imwe mu miti isukura intoki ‘hand sanitizers’ ikorwa n’ikigo, Eskbiochem SA kubera imiti y’ubumara irimo.

Iki kigo kivuga ko cyavumbuye ikinyabutabire cya methanol, kikaba gishobora kuba uburozi iyo cyinjiye mu ruhu cyangwa umuntu akiriye.

FDA itanga urugero rwa Lavar Gel na CleanCare No Germ hand sanitizers, yose ikorwa na Sosiyete yo muri Mexico yitwa Eskbiochem SA.

Ikigo gishinzwe Ibiribwa n’Imiti muri Leta Zunze Ubumwe za Amerika cyahise gishyira ahagaragara imiti abantu bakwiye kwirinda gukoresha cyane ko iyo miti ikenewe cyane muri iyi minsi Isi ihanganye na Coronavirus.

Iyi miti yose isukura intoki irimo All-Clean Hand Sanitizer (NDC: 74589-002-01), Esk Biochem Hand Sanitizer (NDC: 74589-007-01), CleanCare NoGerm Advanced Hand Sanitizer 75% Alcohol (NDC: 74589-008-04), The Good Gel Antibacterial Gel Hand Sanitizer (NDC: 74589-010-10), CleanCare NoGerm Advanced Hand Sanitizer 80% Alcohol (NDC: 74589-005-03), CleanCare NoGerm Advanced Hand Sanitizer 75% Alcohol (NDC: 74589-009-01), CleanCare NoGerm Advanced Hand Sanitizer 80% Alcohol (NDC: 74589-003-01) na Saniderm Advanced Hand Sanitizer (NDC: 74589-001-01).

Iki kigo kivuga ko umuntu wakoresheje methanol nyinshi bishobora kumutera kugira isesemi, kuruka, kubabara umutwe, kutabona neza, kugira ubuhumyi buhoraho, kujya muri koma, kwangirika burundu kw’imitsi cyangwa urupfu.

FDA iburira ko umuntu wese wakoresheje iyi miti irimo methanol ko agomba kwihutira kujya kwa muganga akavurwa.

Kugeza ubu sosiyete ya Eskbiochem ivugwa muri iki kibazo, ntiyigeze isubiza ubwo yari ibajijwe na CNN kuri aya makuru ayivugwaho.

FDA yo ivuga ko yasabye Eskbiochem SA kuvana ibi bicuruzwa ku isoko tariki 17 Kamena, ariko ikaba itarabona igisubizo cy’iki kigo. Yasabye abantu guhagarika gukoresha ibyo bicuruzwa kandi bakabijugunya mu bikoresho bishyirwamo imyanda.

Ikigo gishinzwe Ibiribwa n’Imiti muri Leta Zunze Ubumwe za Amerika, FDA, yashyize hanze imiti abantu bakwiye kwirinda mu gihe barimo gusukura intoki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .