Igikoresho cya NASA cyatangiye ubushakashatsi kuri Mars

Yanditswe na Ndahayo Emmanuel
Kuya 6 Werurwe 2021 saa 10:24
Yasuwe :
0 0

Igikoresho kimaze iminsi cyoherejwe ku Mubumbe wa Mars na NASA, Ikigo cy’Abanyamerika gikora ubushakashatsi mu Isanzure, cyakoze urugendo rwacyo rwa mbere kuri uwo Mubumbe, aho kigiye kwiga no gusesengura niba warigeze kubaho ubuzima mu myaka miliyoni nyinshi ishize.

Iki gikoresho kizwi nka Rover, cyahawe izina rya Perseverance, cyari kimaze ibyumweru bibiri kuri Mars, ndetse cyamaze gukora urugendo rwayo rwa mbere rwa metero esheshatu n’igice, n’ubwo abahanga ba NASA bakirimo kugitunganya kugira ngo mu minsi iri imbere kizatangire ubushakashatsi bwacyo mu buryo bwimbitse.

Mu byo Perseverance izakora, harimo kuzakora ibirometero 15 igana ahantu hari amabuye asa nk’agaragaza ko hanyuze umugenzi. Izatanga kandi amafoto yandi yerekana ibice bya Mars bitagezwemo cyane n’izindi Rover zayibanjirije, aho byitezwe ko ubu bushakashatsi buzatwara umwaka umwe (wo ku Mars), ungana na hafi imyaka ibiri yo ku Isi, kugira ngo aya makuru aboneke, nk’uko BBC yabitangaje.

Umuyobozi Wungirije muri ubu bushakashatsi bwa Perseverance, Robert Hogg, yavuze ko bakirimo kwiga imiterere ya Mars kugira ngo bamenye neza aho bazashyira ibikoresho bifata amafoto n’ibitanga andi makuru y’ingenzi.

Yagize ati “Turacyashaka ahantu heza hagurukirizwa ibikoresho bifata amafoto. Turacyasesengura amafoto kugira ngo dusobanukirwe imiterere y’aho tuzashyira ibikoresho byacu…byitezwe ko ibyo byose bizaba byarangiye mbere y’uko uyu mwaka urangira”.

Uretse NASA y’Abanyamerika, ibindi bihugu birimo Leta Zunze Ubumwe z’Abarabu byohereje bwa mbere ibyogajuru kuri Mars mu bikorwa by’ubushakashatsi, ndetse Elon Musk, nyiri SpaceX ikora ubushakashatsi mu isanzure, avuga ko azajyayo abantu bitarenze umwaka wa 2023, ndetse iki kinyajana kikazarangira abarenga miliyoni imwe batuyeyo.

Ibi bikoresho byitwa Rover, iyi ikitwa Perseverance, ikaba yakoze urugendo rwayo rwa mbere kuri Mars/ Ifoto: NASA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .