Igikomangoma Peter Phillips cy’u Bwongereza kigiye gutandukana n’umugore

Yanditswe na IGIHE
Kuya 12 Gashyantare 2020 saa 01:26
Yasuwe :
0 0

Igikomangoma Peter Phillips n’umugore we Autumn Phillips bafitanye abana babiri, bafashe umwanzuro wo gutandukana nyuma y’igihe babiganiraho n’abagize umuryango w’ubwami bw’u Bwongereza.

Itangazo umuvugizi w’uyu muryango w’ubwami bw’u Bwongereza, Gerard Franklin, yashyize ahagaragara kuri uyu wa Kabiri rivuga ko ari icyemezo bafashe nyuma y’uko umwaka ushize babimenyesheje Umwamikazi Elizabeth n’abandi bagize uwo muryango.

Iryo tangazo rivuga ko nyuma yo kubiganiraho impande zose zageze ku mwanzuro mwiza ku bana babiri bari bafitanye n’ubushuti burambye.

Rikomeza rigira riti “Umwanzuro wo gutandukana no kugabana uje nyuma y’amezi menshi tuwuganiraho, nubwo ubabaje ariko niwo twumvikanyeho.”

Bemeranyije ko nubwo bagiye gutandukana bazakomeza guharanira imibereho myiza y’abakobwa babo Savannah w’imyaka icyenda na Isla wujuje irindwi.

Iryo tangazo rikomeza rigira riti “Imiryango yombi mu by’ukuri byarayibabaje ariko ishyigikira umwanzuro w’igikomangoma Peter n’umugore we Autumn wo gukomeza gufatanya mu kurera abana bafitanye.”

CNN yanditse ko bazakomeza kuba mu gace ka Gloucestershire bamaze imyaka myinshi batuyemo.

Igikomangoma Peter ni umwuzukuru w’Umwamikazi Elizabeth, akaba umuhungu w’igikomangoma Anne na Mark Phillips. Igikomangoma Anne, ni umukobwa w’Umwamikazi Elizabeth.

Igikomangoma Peter Phillips n’umugore we Autumn Phillips bashakanye mu 2008.

Igikomangoma Peter Phillips n’umugore we Autumn bagiye gutandukana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .