Igerageza rya rumwe mu nkingo za Covid-19 ryasubitswe nyuma yo kugira ingaruka k’uwaruhawe

Yanditswe na Iradukunda Serge
Kuya 9 Nzeri 2020 saa 08:36
Yasuwe :
0 0

Icyiciro cya nyuma cy’igeragezwa ry’urukingo rwa Coronavirus, rwakozwe n’uruganda rw’imiti rwitwa AstraZeneca na Kaminuza ya Oxford, ryabaye risubitswe nyuma y’uko umwe mu baruhawe agaragaje uburwayi budasobanutse bigakekwa ko ari ingaruka zarwo.

BBC yatangaje ibikorwa byo kugerageza uru rukingo mu bihugu nk’u Bwongereza, Leta Zunze Ubumwe za Amerika na Afurika y’Epfo byahise bihagarara kugira ngo hakorwe igenzura bijyanye n’ingaruka rushobora gutera ku buzima bw’umuntu.

Umuvugizi wa Kaminuza ya Oxford yavuze ko gusubika igerageza ry’urukingo ari ibintu bisanzwe cyane cyane iyo hari ikibazo kivutse.

Ati "Mu magerageza akorewe ku bantu benshi, uburwayi bushobora kubaho ariko bugomba kugenzurwa mu buryo bwigenga mu kurebana ibintu ubushishozi.”

Uru rukingo rwinjiye mu cyiciro cya gatatu ari nacyo cya nyuma cy’igerageza, nyuma y’uko mu byiciro byabanje rwagaragaje ko rwujuje ibyari bikenewe byose, kuri ubu rukaba rwari ruri kugeragerezwa ku bantu bagera ku bihumbi 30 bo muri Amerika, mu Bwongereza, Brésil na Afurika y’epfo.

AstraZeneca na Kaminuza ya Oxford batangaje ko babaye bahagaritse igerageza ry’uru rukingo mu gihe ari rumwe mu zatangaga icyizere kuko rwari ruri mu cyiciro cya nyuma cy’igerageza.

Astrazeneca yasubitse kugerageza urukingo rwayo nyuma yo kugira ingaruka kuri umwe mu baruhawe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .