Cristiano Ronaldo ukinira Manchester United, yashinjwaga na Kathryn Mayorga kumufata ku ngufu muri hoteli ya Las Vegas mu mwaka wa 2009. Uregwa arabihakana.

Bivugwa ko mu 2010 Cristiano Ronaldo na Mayorga baganiriye bakemera gukemura ikibazo mu bwumvikane, ndetse agahabwa $375,000.

Mayorga yaje kwisubiraho, avuga ko adahawe amafaranga menshi atabyemera. Yavuze ko mbere yemeye amafaranga atarakomera mu mutwe kuko yari agifite ihungabana, bityo ko bitahabwa agaciro.

Umucamanza yavuze ko bimwe mu bimenyetso Mayorga n’umwunganizi we bashingiraho bashinja Cristiano Ronaldo, byabonetse mu buryo butemewe n’amategeko bityo nta gaciro bifite.

Yavuze ko umwunganizi wa Mayorga yavogereye Cristiano Ronaldo agakoresha amanyanga ngo abone bimwe mu bimenyetso bimushinja.

Ibyo byahise bituma Mayorga atakaza ububasha bwo gukomeza ikirego cye kuko umwunganizi we yagaragaje imyitwarire mibi.

Cristiano Ronaldontahakana guhura na Mayorga mu 2009 icyakora yagiye avuga ko bari babyumvikanyeho.

Ikirego Ronaldo yashinjwaga cyateshejwe agaciro kuko Mayorga umushinja byagaragaye ko yakoresheje amanyanga mu kubona ibimenyetso