Ni ibuye ringana n’ikamyo, ryanyuze mu gice giteganye na Amerika y’Epfo ahagana saa 00:27 GMT, ni ukuvuga 02:27 z’igicuku ku isaha yo mu Rwanda. Ryari mu ntera ya kilometero 3,600.

Ni igikorwa gishimagira ko mu isanzure harimo utubumbe duto cyangwa ibibuye byinshi, bigenda hafi y’isi, bikeneye gukurikiranirwa hafi.

Nasa yatangaje ko ari ryo buye ryabashije guca bugufi cyane n’umubumbe w’isi ugereranyije n’andi yagiye atambuka, icyakora banahumuriza abantu babamenyesha ko iryo buye rifite umurambararo wa metero ziri hagati ya 3,5 na 8,5 ritari buteze ibyago.

Iri buye ryatahuwe n’umwe mu bashakashatsi bakiri bato mu byo mu isanzure wo mu Burusiya, Gennadiy Borisov.