00:00:00 IGIHE NETWORK KN KINYARWANDA EN ENGLISH FR FRANCAIS

Ibiribwa bingana na toni miliyari 2,5 birangirika buri mwaka ku Isi

Yanditswe na Bukuru JC
Kuya 23 Nyakanga 2021 saa 10:21
Yasuwe :
0 0

Nibura buri mwaka ku Isi ibiribwa bingana na toni miliyari 2,5 z’ibiribwa zirajugunywa, bikaba ari kimwe mu bikomeje gutera inzara ku Isi n’ingaruka ku mihindagurikire y’ibihe.

Raporo yatangajwe kuri uyu wa Gatatu n’Ikigo World Wildlife Fund ku bufatanye na UK Grocery Retailer Tesco (TSCDF), yagaragaje ko iyo mibare yikubye hafi kabiri ugereranyije n’iyatangajwe n’Ishami rya Loni ryita ku Buhinzi n’Ibiribwa (FAO) mu 2011.

Ibiribwa byangirikiye mu mirima bingana na toni miliyari 1,2, mu gihe izindi toni miliyoni 931 zangirikiye ku bacuruzi n’abaguzi. Ibindi bisigaye byangirikiye mu nzira bitwawe, ibindi byangirikira mu bubiko no mu nganda.

Iyi mibare mishya igaragaza ko nibura buri mwaka 40 % by’ibiribwa byera ku Isi bitaribwa ahubwo byangirika.

Raporo igaragaza ko ibyo biribwa bijugunywa cyangwa byangirika bidakoreshejwe, bivam0 10 % by’imyuka yangiza ikirere. Ni imibare yiyongereye kuko mbere byari 8 %.

Icyo kigero cy’imyuka yoherezwa mu kirere ingana n’iyoherezwa n’imodoka zo muri Leta Zunze Ubumwe za Amerika n’i Burayi.

Ibihugu bikize byo mu Burayi, Amerika y’Amajyaruguru na Aziya byihariye 58 % by’ibiribwa byangirika, nubwo uteranyije ababituye bagize 37 % by’abatuye Isi.

Nibura buri mwaka, 40 % by'ibiribwa biboneka ku Isi birajugunywa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .