00:00:00 IGIHE NETWORK KN KINYARWANDA EN ENGLISH FR FRANCAIS

Ibigo byinshi byo mu Burayi na Amerika byanze kuva mu Burusiya

Yanditswe na Umwali Zhuri
Kuya 22 Mutarama 2023 saa 12:04
Yasuwe :

Inyigo yakozwe n’impuguke zo muri Kaminuza ya Saint-Gall mu Busuwisi, zagaragaje ko guhera ubwo intambara y’u Burusiya na Ukraine yatangiraga, ibigo byinshi byo mu Burayi na Amerika bitigeze bihagarika ibikorwa byabyo muri icyo gihugu.

Iyi nyigo yagaragaje ko mu bigo binini bisaga 1400 byakoreraga ubucuruzi mu Burusiya bikomoka mu Burayi na Amerika, ibyagiye bitarenga 9 %.

Intambara y’u Burusiya na Ukraine ubwo yatangiraga muri Gashyantare 2022, ibihugu bya Amerika n’u Burayi byashishikarije sosiyete zabyo ziri mu Burusiya kuvayo, mu rwego rwo guca intege u Burusiya.

Mu bigo byinshi bigikorera mu Burusiya, ibyo mu Budage nibyo byinshi kuko bingana na 19,5%, ibyo muri Amerika ni 12,4%, u Buyapani ni 7 %.

Prof Simon Evenett, umwe mu bakoze ubushakashatsi, yavuze ko impamvu hakiri ibigo byinshi byagumye mu Burusiya, ari uko gufunga cyangwa guhagarika ibikorwa kuri sosiyete zikora ubucuruzi, ari igikorwa gifata igihe kinini.

Yavuze ko guhagarika sosiyete bisaba kunyura mu nkiko kandi mu Burusiya bikaba bigoye cyane. Ikindi ni uko bisaba ko aho sosiyete yimuriye ibikorwa, igomba kongera guhugura abakozi, kubaka ibikorwa remezo bishya n’ibindi.

Kuri we, ni akazi utakora mu mezi 11 gusa nk’uko benshi babikekaga.

Ikindi Simon Evenett avuga, ni uko u Burusiya ari igihugu gicungira cyane ku bikomoka kuri peteroli, ku buryo ibindi bicuruzwa nk’ibiribwa, bituruka hanze. Ibyo bituma hari abakiliya benshi ku buryo sosiyete zimwe na zimwe ziba zitifuza kuhava.

Ibihugu by’u Burayi byafatiye ibihano u Burusiya bigamije guca intege icyo gihugu ngo kibure amafaranga yo gukomeza intambara muri Ukraine. Kubuza sosiyete zabo kuhakorera ubucuruzi, byari biri muri uwo murongo.

Ibigo byinshi byo mu Burayi biracyakorera mu Burusiya nubwo byasabwe guhagarika imirimo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .