Hitabajwe igisirikare mu gutabara abibasiwe n’umuyaga uvanze n’imvura mu Buyapani

Yanditswe na Ferdinand Maniraguha
Kuya 13 Ukwakira 2019 saa 01:24
Yasuwe :
0 0

U Buyapani bwitabaje ibihumbi by’abasirikare mu gutabara abaturage bibasiwe n’inkubi y’umuyaga udasanzwe uvanze n’imvura bimaze guhitana abantu 18.

Iyi nkubi y’umuyaga yiswe Hagibis yatangiye kuri yu wa Gatandatu mu majyepfo y’umujyi wa Tokyo, ugenda werekeza mu majyaruguru ari nako uduce twinshi turengerwa n’amazi.

BBC yatangaje ko hari abantu 13 baburiwe irengero. Mu gace ka Nagano, hari abaturage bivugwa ko bari bari mu ri za gariyamoshi ariko barengewe n’amazi n’abandi bazamutse ku bisenge by’inzu zabo.

Leta yohereje abasirikare 27 000 mu bikorwa by’ubutabazi ndetse isezeranya ko nibiba ngombwa barongerwa.

Kugeza kuri iki cyumweru, umuyaga n’imvura byari bitangiye kugabanya umurego.

Nibura abantu 150 000 muri Tokyo babuze umuriro w’amashanyarazi. Ingendo za gariyamoshi n’indege zahagaritswe, bikanga ko icyo kiza gishobora kongera.

Benshi mu bapfuye bishwe no kugwirwa n’inkangu abandi batwarwa n’amazi.

Hashize iminsi tumwe mu duce tw’u Buyapani tugwamo imvura idasanzwe, hari n’aho yiyongereye ku kigero cya 40 % ugereranyije n’imvura bari basanzwe bagusha.

Inkubi y’umuyaga Hagibis yatumye imwe mu mikino y’irushanwa mpuzamahanga rya Rugby yaberaga mu Buyapani isubikwa indi ikurwaho.

Abasirikare mu bwato bagenda bashakisha ahari abaturage bakeneye ubutabazi
Abasirikare basaga ibihumbi 27 biyambajwe ngo bafashe abaturage bari mu kaga
Inzu nyinshi zasebyutse kubera inkubi y'umuyaga yibasiye u Buyapani

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza