Hahishuwe uko Carla Bruni yabanje kwanga gukundana na Nicolas Sarkozy mbere yo kubana

Yanditswe na Theogene Uwiragiye
Kuya 7 Mutarama 2021 saa 11:18
Yasuwe :
0 0

Hatangajwe ko mu 2007 umuhanzikazi w’Umutaliyani, Carla Bruni yabanje kwanga guhura n’uwahoze ari Perezida w’u Bufaransa Nicolas Sarkozy, ubwo yamutumiraga ngo batangire gukundana.

Jacques Séguéla usanzwe ari inshuti y’uyu muryango, ubwo yari kuri Televiziyo yo mu Bufaransa yitwa Télé 7 Jours, mu kiganiro cyayo L’Instant de Luxe, yahishuye bimwe mu byaranze urukundo rw’uwo mugabo mu minsi ye ya nyuma yo gutandukana n’uwahoze ari umugore we Cécilia Attias mu 2007.

Séguéla yavuze ko inshuti ye yamubwiye ko itagishoboye kwihanganira kubaho nta mukunzi.

Yagize ati “Yaravuze ati ‘Sinakwihangana birenze. Ndi njyenyine.’ Gutandukana n’uwo mwashakanye biba ari agahinda gakomeye. Yabivugaga ubona neza ko bimurimo.”

Yavuze ko we ubwe yahise ashaka uburyo, ategura ikirori yatumiyemo Carla Bruni na Perezida wari ku butegetsi Nicola Sarkozy. Ku ikubitiro uyu muhanzikazi yanze kuzitabira, ariko abo yamamarizaga bamuhatira kwitabira birangira abyemeye.

Carla wari wabanje kwiraza i Nyanza ni we wafashe iya mbere mu kureshya Sarkozy wari umushyitsi wiyubashye kurusha abandi mu birori.

Jacques avuga ko uyu mukobwa yafashe telefoni ye mu gihe cyo gusinya ku rutonde rw’abitabiriye ikirori, akajya ashyiraho umukono we, akongera agasiba n’ikaramu. Yarabikoze biratinda ari na ko areba icyoroshye Sarkozy wakomeje guterwa ubwoba n’ubwo bushotoranyi, birangira batangiye ibiganiro byaje kuzamuka bigahinduka urukundo.

Aba bombi bakundanye ari ubwa mbere bahuye. Jacques nk’inshuti y’akadasohoka yabo bombi, yavuze ko kuva icyo gihe urukundo rwa Carla na Sarkozy, rurushaho gukura cyane mu myaka irenga 12 bamaranye kuko bashakanye mu 2008.

Sarkozy na Bruni bamaranye imyaka 12 babana nk'umugabo n'umugore

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .