00:00:00 IGIHE NETWORK KN KINYARWANDA EN ENGLISH FR FRANCAIS

Hatangijwe ubusabe bwo gushakira amashuri Abanyafurika bigaga muri Ukraine

Yanditswe na IGIHE
Kuya 20 May 2022 saa 09:14
Yasuwe :

Hashize amezi atatu u Burusiya butangije ibikorwa bya gisirikare muri Ukraine, byatumye umubare munini w’abasivili bahungira mu bindi bihugu by’i Burayi barimo n’abanyeshuri bo mu bice bitandukanye bya Afurika.

Aba banyeshuri barimo abo muri Afurika y’Iburasirazuba bahangayikishijwe n’uko bazasoza amasomo yabo kuko kaminuza bigagamo zafunzwe kubera intambara. Batangije ubusabe bwo gushakirwa izindi kaminuza bakomerezamo amasomo.

Abanyeshuri bigaga muri Ukraine ni abari bafite buruse za leta cyangwa abirihiraga. Imibare ya za Minisiteri z’uburezi mu bihugu bigize Umuryango wa Afurika y’Iburasirazuba, yerekana ko nibura abanyeshuri 400 bo muri aka karere bigaga muri Ukraine bahungishijwe.

Urubuga Change.org ruzwiho gufasha abantu gushaka ubutabera, rwatangije ubusabe bw’uko abo banyeshuri b’Abanyafurika bashakirwa ahandi biga.

Korrine Sky watangije ubu busabe, arifuza imikono irenga 2500. Ku wa Kane ni bwo abarenga 2100 bari bamaze kubusinya. Ubwo busabe buvuga ko ’bahamagarira UNESCO, Ihuriro ry’Uburezi ku Isi, Komisiyo y’Umuryango w’Ubumwe bw’u Burayi, kaminuza zo mu Burayi, mu Bwongereza, Canada, Leta Zunze Ubumwe za Amerika n’ibindi bihugu bishishikajwe n’uburezi gufasha aba banyeshuri kubona uko bakomeza amasomo.

Ati "Turashaka ko abanyeshuri b’Abanyafurika amasomo yabo yarogowe n’intambara yo muri Ukraine bahabwa buruse bagakomeza amasomo yabo bakayarangiza."

Muri Ukraine higaga abanyeshuri benshi b’Abanyafurika baturuka muri Nigeria, Maroc, Misiri, Kenya, Uganda, Tanzania, mu Rwanda n’ahandi.

Muri Ukraine higaga abanyeshuri benshi barimo n'Abanyarwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .