00:00:00 IGIHE NETWORK KN KINYARWANDA EN ENGLISH FR FRANCAIS

Miliyoni y’Amayero yahawe Igikomangoma Charles nk’impano yarikoroje

Yanditswe na Mugisha Christian
Kuya 29 June 2022 saa 09:00
Yasuwe :

Ikinyamakuru ‘The Sunday Times’ cyatangaje raporo ivuga ko hari impano y’igikapu cya miliyoni imwe y’Amayero Igikomangoma Charles yashyikirijwe n’uwigeze kuba Minisitiri w’intebe wa Qatar.

Iyi ni imwe mu mpano eshatu z’amafaranga Charles yakiriye zaturutse kuri Sheikh Hamad bin Jassim bin Jaber Al Thani hagati ya 2011 na 2015 yose hamwe akaba miliyoni 3 z’Amayero.

Ni amafaranga yateje ururondogoro mu Bwongereza icyakora nta cyerekana niba ayo mafaranga yaba yarakiriwe mu buryo bunyuranye n’amategeko, ku buryo byaba icyasha kuri uyu mukambwe witegura kuba Umwami w’u Bwongereza.

Bivugwa ko aya mafaranga ashobora kuba yarakiriwe mu nama yabahuje bombi mu biro by’Igikomangoma Charles ‘Clarence House’ mu 2015.

Amakuru ava mu biro bya Charles avuga ko nyuma yo kwakira iyi mpano amafaranga, yahise yoherezwa mu muryango ukora ibikorwa by’ubugiraneza we , bigakorwa mu buryo bwemewe n’amategeko kandi mu mucyo.

Izi mpano zihabwa Charles zakunze kugarukwaho mu mezi ashize nyuma y’uko bivugwa ko zahesheje ubwenegihugu n’imyanya y’icyubahiro mu gihugu cy’u Bwongereza umwe mu bazitanga wo muri Arabie Saoudite.

Mu ntangiriro z’uyu mwaka, Polisi yo mu Bwongereza ahazwi nka ’Greater London’ nibwo yatangiye iperereza ku birego Charles aregwa.

Charles ashinjwa gutanga imyanya y’icyubahiro n’ubwenegihugu yitwaje inkunga n’imfashanyo ahabwa n’abo bantu. Ni ibintu we ahakana avuga ko atigeze atanga iyo myanya cyangwa ubwenegihugu ashingiye ku mfashanyo zahawe umuryango yashinze.

Mu Gushyingo mu 2021, Michael Fawcett wahoze ari Umuyobozi Mukuru w’umuryango wa Charles yeguye ku mirimo ye ubwo iperereza kuri uyu muryango ryatangiraga.

Prince Charles (ibumoso) yahakanye kwakira mu buryo bunyuranyije n'amategeko impano ya Sheikh Hamad bin Jassim

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .