00:00:00 IGIHE NETWORK KN KINYARWANDA EN ENGLISH FR FRANCAIS

Haïti: Uwahoze ari umusenateri yafashwe akekwaho kwica Perezida

Yanditswe na Umutoni Rosine
Kuya 16 January 2022 saa 08:56
Yasuwe :

Polisi yo muri Jamaica yatangaje ko yataye muri yombi John Joël Joseph wahoze ari umusenateri, akekwaho uruhare mu rupfu rwa Jovenel Moïse wahoze ari Perezida wa Haïti.

Jovenel Moïse yishwe arasiwe iwe mu rugo muri Nyakanga umwaka ushize. Yarashwe n’abacanshuro ariko bikekwa ko wari umugambi wagizwemo uruhare na bamwe mu bari abayobozi.

Umuvugizi wa Polisi ya Jamaica, Dennis Brooks, yabwiye Reuters ko John Joël Joseph wahoze ari umusenateri yatawe muri yombi kuwa Gatanu ku busabe bwa Leta ya Haïti.

Hari abandi bantu batawe muri yombi hamwe na Joseph gusa ntihatangajwe niba ari abo mu muryango we cyangwa niba bose ari abafatanyacyaha.

Bamwe mu bayobozi n’abanyapolitiki bo muri Haïti bishimiye itabwa muri yombi rya Joseph, bagaragaza ko bitanga icyizere ku gutanga ubutabera ku rupfu rwa Perezida Jovenel.

Joseph ni umuntu wa kabiri utawe muri yombi ashinjwa uruhare mu rupfu rwa Jovenel ku butaka bwa Jamaica. Mu Ukwakira umwaka ushize Jamaica yataye muri yombi Mario Antonio Palacios wahoze ari umusirikare muri Colombia.

Kugeza ubu abantu basaga 40 barimo 18 bahoze mu Gisirikare cya Colombia bamaze gutabwa muri yombi bakekwaho uruhare mu rupfu rwa Perezida Jovenel.

John Joël Joseph yafashwe akekwaho uruhare mu rupfu rwa Perezida Jovenel Moïse

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .