Missile zahawe Ukraine zizwi nka ’Storm Shadow’ zakozwe n’u Bwongereza ndetse n’u Bufaransa. U Bwongereza bufite ubushobozi bwo kurasisha izi missile mu Burusiya gusa ubushobozi bw’iki gihugu bwo guhindura icyerekezo cy’ibisasu na missile bushobora gutuma zitagera ku butaka bwacyo.

Amerika nicyo gihugu gifite ikoranabuhanga rifatika rishobora gutuma izo missile ziraswa mu Burusiya kandi zikagera aho zarashwe bitewe n’ikoranabuhanga icyo gihugu gifite, rifite umwihariko mu bijyanye no kuyobora ibisasu bikarasa aho byagenewe, nk’uko The Times ibitangaza.

Perezida Vladimir Putin w’u Burusiya, aherutse gutanga umuburo avuga ko mu gihe ibi bihugu byaramuka bifashije Ukraine kurasa imbere mu Burusiya, byaba bisobanuye ko byinjiye mu ntambara n’icyo gihugu mu buryo bweruye, ibyatuma u Burusiya nabwo bufata ingamba zikwiriye.

Hagaragajwe ko Ukraine idashobora kurasa mu Burusiya idahawe uruhushya na Amerika