00:00:00 IGIHE NETWORK KN KINYARWANDA EN ENGLISH FR FRANCAIS

Ferdinand Marcos Jr wabaye Perezida mushya wa Philippine, yarahiye

Yanditswe na IGIHE
Kuya 30 June 2022 saa 01:58
Yasuwe :

Ferdinand Marcos Jr uherutse gusimbura Rodrigo Duterte ku mwanya w’Umukuru w’Igihugu cya Philippine, yarahiriye inshingano ze kuri uyu wa 30 Kamena 2022.

Marcos Jr bahimba Bongbong, yatsinze amatora mu kwezi gushize. Sara Duterte, umukobwa wa Duterte usimbuwe ku butegetsi we yarahiriye umwanya wa Visi Perezida.

Akikijwe n’umugore we n’abana batatu b’abahungu, Marcos yamwenyuye ubwo yarebaga akarasisi k’indege z’intambara mu kirere n’akabasirikare bambaye impuzankano y’uru rwego.

Uyu mugabo w’imyaka 64 y’amavuko yafashe inshingano zo kuyobora igihugu mu gihe kikiri mu rugendo rwo kwigobotora ibibazo bikomeyye birimo icyorezo cya Covid-19, ibibazo by’ubukungu n’ubwiyongere bw’amadeni.

Bamwe bahanze amaso Marcos Jr aho bamwitezeho kuvugurura isura y’iki gihugu yangiritse ku butegetsi bwa Duterte bwaranzwe n’inkundura yo kurwanya ibiyobyabwenge yaguyemo abatari bake no kubuza itangazamakuru amahwemo.

Irahira rye ribaye nyuma y’iminsi mike yari ishoze, Urukiko rw’Ikirenga rwo mu Murwa Mukuru w’igihugu, Manila, rwemeje ko ibirego byo kunyereza imisoro bitamwambura ububasha bwo gutangira inshingano nka perezida.

Rikurikira kandi itangazo ry’urwego rwa leta rwemeje kuri uyu wa Gatatu ihagarikwa y’ikinyamakuru cyibanda ku nkuru zicukumbuye, kimwe mu by’ingenzi byanengaga imitegekere ya Duterte.

Mi ijambo yavuze arahira, yunamiye se wari umunyagitugu Ferdinand Marcos Sr, wayoboje Philippine inkoni y’icyuma mu myaka igera kuri 20.

Ferdinand Marcos Sr yakuye ubutegetsi mu maboko ya gisirikare aba ari we ubwe wikurikiranira iby’inkiko, ubucuruzi n’itangazamakuru.

Igipolisi n’igisirikare byafunze ndetse bikorera iyicarubozo ibihumbi by’abatavuga rumwe n’ubutegetsi ndetse abanyepolitiki benshi baricwa.

Yavuze ko azager aikirenge mu cya se kandi ko nta n’umwe uzagira urwitwazo imbere.

Yongeye guhamagarira abatuye igihugu kunga ubumwe, amagambo yakunze gusubiramo ubwo yiyamamazaga mbere yo gusaba abitabiriye uyu muhango kudasubiza umutima ku by’uburakari bw’ahashize.

Ferdinand Marcos Jr wabaye Perezida mushya wa Philippine, yarahiye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .