FDA yemeje urukingo rwa Pfizer, Trump asaba ko Amerika ihita itangira gukingira Covid-19

Yanditswe na IGIHE
Kuya 12 Ukuboza 2020 saa 08:36
Yasuwe :
0 0

Ikigo gishinzwe kugenzura ibiribwa n’imiti muri Leta Zunze Ubumwe za Amerika (FDA), cyemeje ko urukingo rwa Covid-19 rwakozwe na Pfizer BioNTech rwatangira gukoreshwa, Perezida w’iki gihugu Donald Trump ahita atangaza ko ibikorwa byo gukingira bitangira mu gihe kitageze ku masaha 24.

FDA yemeje uru rukingo nyuma y’iminsi mike itsinda ry’abahanga mu nzego z’ubuzima muri Leta Zunze Ubumwe za Amerika ryemeje urukingo rwa COVID-19 rwakozwe na Pfizer-BioNTech, nk’urudashobora kugira ingaruka na zimwe rutera umuntu uruhawe.

Uru rukingo kandi rwamaze no kwemerwa no mu bindi bihugu birimo u Bwongereza, Canada, Bahrain na Saudi Arabia.

Nyuma y’uko FDA itangaje ko yemeye ikoreshwa ry’uru rukingo, Perezida Donald Trump yahise avuga ko “ibikorwa byo gukingira bitangira mu gihe kitageze ku masaha 24”.

Nubwo FDA yemeje uru rukingo ibinyamakuru byo muri Leta Zunze Ubumwe za Amerika byavuze ko yashyizweho igitutu n’ubuyobozi bwa Trump, ngo ku buryo bwanabwiye umuyobozi wayo, Stephen Hahn ko ari burwemeze cyangwa akegura, guse we ibi yaje kubihakana avuga ko atari ukuri ndetse yemeza ko nta wamushyizeho igitutu.

Perezida wa Leta Zunze Ubumwe za Amerika, Donald Trumo yavuze ko iki gihugu gitangira ibikorwa byo gukingira Covi-19 mu gihe kitageze ku masaha 24

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .