Facebook yahagaritse kohereza abakozi mu bikorwa bya politiki

Yanditswe na IGIHE
Kuya 21 Nzeri 2018 saa 05:50
Yasuwe :
0 0

Facebook yatangaje ko yahagaritse ibyo kohereza abakozi bayo ngo bajye gufasha abanyapoliti barimo kwiyamamaza mu bihe by’amatora.

Ubusanzwe Facebook yoherezaga abakozi bayo kugira ngo bafashe abanyapolitiki gukora ubutumwa bwo kwamamaza binyuze kuri internet.

Facebook yatangaje ko ahubwo izajya itanga ku buntu amatangazo yamamaza kandi ikabikora ku mitwe yose ya politiki binyuze ku rubuga rwayo. Icyakora ntizongera kugirana inama n’abanyapolitiki.

Uwari ushinzwe kwamamaza Donald Trump, binyuze mu ikoranabuhanga mu matora yo mu 2016, yatangaje ko ubufasha bwa Facebook bwatumye uyu mugabo yegukana intsinzi.

Facebook yatangaje ko ubu bufasha yanabuhaye Hillary Clinton, gusa we arabihakana. Facebook ni iya kabiri mu kugira amatangazo yamamaza menshi nyuma ya Google.

Google na Twitter bisanzwe bifasha cyane mu bikorwa byo kwiyamamaza kw’abanyapolitiki, gusa byo ntibyatangaje ko bizabihagarika.

Ikinyamakuru Bloomberg cyabonye inyandiko yerekana ko kwiyamamaza kwa Trump kwatwaye miliyoni 44 z’amadolari yahaye Facebook, ku bw’amatangazo yamamaza yamukoreye kuva muri Kamena kugeza mu Ugushyingo 2016. Ni mu gihe Hillary Clinton we yatanze miliyoni 28 z’amadolari mu kwiyamamaza.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza