Facebook igiye gushora miliyoni 100$ mu itangazamakuru kubera COVID-19

Yanditswe na Bukuru JC
Kuya 31 Werurwe 2020 saa 03:11
Yasuwe :
0 0

Facebook yatangaje ko igiye gushora miliyoni 100 z’amadolari mu gufasha itangazamakuru muri iki gihe cy’icyorezo cya COVID-19 giterwa na Coronavirus.

Iri shoramari ririmo miliyoni 25$ z’inkunga y’ingoboka ku itangazamakuru ry’imbere mu bihugu binyuze mu mushinga witwa ‘Facebook Journalism Project’, mu gihe izindi miliyoni 75$ zizakoreshwa mu iyamamazabikorwa kugira ngo itangazamakuru ribone amafaranga.

Bitewe nuko amafaranga yaturukaga mu kwamamaza arimo kugabanyuka kubera ingaruka za Coronavirus mu rwego rw’ubukungu, itangazamakuru ririmo gukorera mu buryo budasanzwe kugira ngo abantu bamenye amakuru kuri COVID-19.

Hazatangwa inkunga y’ako kanya izafasha abanyamakuru gutara inkuru z’ingenzi binyuze muri porogaramu yo kumenyekanisha Coronavirus.

Ikindi gice cy’inkunga kizahabwa ibitangazamakuru mu bihugu bikomerewe cyane na Coronavirus. Icyiciro cya mbere kizahabwa ibitangazamakuru 50 byo muri Amerika na Canada.

Aya mafaranga azatuma itangazamakuru rikomeza gutangaza inkuru ziboneye muri iki gihe cya Coronavirus, kandi binatange amahirwe ku itangazamakuru ry’imbere mu bihugu yo guteza imbere impinduka mu bucuruzi burambye bushingiye ku ikoranabuhanga.

Facebook igiye gushora miliyoni 100$ mu itangazamakuru muri iki gihe cya COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .