Ni umutwe wahanganye bikomeye n’Ingabo za Guverinoma yagutse ya Ethiopia kuva mu Ugushyingo 2020, iwushinja kugaba ibitero ku birindiro by’ingabo za Leta.

Ni intambara yageze no muri Leta za Afar na Amhara, kugeza ubwo hatangazwaga agahenge muri Werurwe.

Dr. Abiy yabwiye inteko ishinga amategeko kuri uyu wa Kabiri ko hashyizweho komite igiye gutegura iyi mishyikirano.

Ati "Ibiganiro bisaba akazi kenshi. Hashyizweho komite, ari nayo izasuzuma uko ibyo biganiro bizagenda."

Yatangaje Minisitiri w’Intebe wungirije Demeke Mekonnen ari we uyoboye iyo komite, ifite iminsi hagati ya 10 na 15 ngo inoze neza ingingo zizaganirwaho.

Imirwano hagati y’inyeshyamba za TPLF mu Majyaruguru ya Ethiopia zatumye benshi bava mu byabo.

Imiryango mpuzamahanga yakunze kuvuga ko impande zombi zakoze ibyaha birimo guhohotera uburenganzira bwa muntu.

Minisitiri w'Intebe Dr Abiy Ahmed mu Nteko ishinga amategeko kuri uyu wa Kabiri