Ni ingingo yagarutseho asubiza umwe mu bakoresha urubuga nkoranyambaga rwa X, wari wagaragaje ko mu 2035 icyuho cy’amafaranga Amerika ikoresha n’ingengo y’imari ifite gishobora kuzagera kuri miliyari 16,3$, kivuye kuri miliyari 1,8$ kiriho uyu munsi.

Musk yasubije yemeranya n’ibyo uyu muntu yatangaje, avuga ko “Amerika iri mu nzira y’ubusamo iyiganisha ku bukene (kuba itazabasha kwishyura imyenda ifite ndetse no gutanga serivisi z’ibanze”

Musk atangaje ibi nyuma y’ukwezi kurenga Minisiteri y’Imari muri Amerika itangaje ko umwenda w’iki gihugu warenze miliyari ibihumbi 35$, ndetse imibare igaragaza ko bizagera mu 2034 uyu mwenda ari miliyari ibihumbi 50$, aho uzaba ungana na 122% by’umusaruro mbumbe w’iki gihugu.

Ikirushijeho gutera impungenge, ni uko umuvuduko umusaruro mbumbe wa Amerika uzamukaho uzarushaho kugabanuka. Bibarwa ko nibura kuva mu 2029-2034 uzajya uzamukaho 1,8%.

Elon Musk yashimangiye ko Amerika iri mu nzira y’ubusamo iyiganisha ku bukene