Elon Musk ntakiri umukire wa mbere ku Isi

Yanditswe na Ndahayo Emmanuel
Kuya 25 Gashyantare 2021 saa 07:59
Yasuwe :
0 0

Elon Musk wari usanzwe ari umukire wa mbere ku Isi nyuma yo guhigika Jeff Bezos mu kwezi gushize, yatakaje uwo mwanya nyuma y’uko imigabane y’ikigo akuriye cya Tesla, gikora imodoka zifashishije amashanyarazi, igabanutseho 8,6%

Iri gabanuka ryatumye Musk atakaza umutungo wa miliyari 15$, bituma asigarana miliyari 185$ zivuye kuri miliyari 210$ yigeze gutunga mu minsi ishize.

Ibi byatumye aza inyuma ya Jeff Bezos ufite umutungo wa miliyari 186$, uyu akaba yarashoye mu bikorwa bitandukanye birimo ikigo cya Amazon gikora ubucuruzi bwo kuri internet.

Igabanuka ry’umutungo wa Musk ryabaye uyu mugabo w’imyaka 49 amaze kwandika kuri Twitter ko igiciro cya Bitcoin ’kiri hejuru’, nyuma y’uko cyari cyageze ku mafaranga 58 000$ ku Cyumweru gishize.

Tesla yari imaze ibyumweru bibiri ishoye miliyari 1,5$ muri Botcoin, n’ubwo Musk yavuze ko ’atari we wafashe icyo cyemezo’, ariko nanone agashimangira ko gushora muri Bitcoin ku kigo kiri mu binini ku Isi ntacyo bitwaye.

Agaciro ka Bitcoin kandi karagabanutse muri iyi minsi, kuko kugeza ku wa Kabiri, kari kageze ku mafaranga 45 000$, kavuye ku 58 000$ ku Cyumweru cyashize.

Urutonde rw’abakire 10 ba mbere ku Isi rwiganjemo abakora ibijyanye n’ikoranabuhanga
Elon Musk ntakiri umukire wa mbere ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .