Elon Musk ari hafi kuvana Jeff Bezos ku mwanya wa mbere mu baherwe b’Isi

Yanditswe na IGIHE
Kuya 7 Mutarama 2021 saa 07:47
Yasuwe :
0 0

Elon Musk ufite Sosiyete ikora imodoka zikoresha amashanyarazi, Tesla ari kurya isataburenge Jeff Bezos ku mwanya wa mbere mu baherwe ku Isi nyuma y’uko umutungo we ubariwe agaciro ka miliyari 181 z’amadolari.

Ikinyamakuru Bloomberg gikora urutonde rw’abaherwe ku Isi, cyatangaje ko kugeza ubu Jeff Bezos washinze Sosiyete ya Amazon arusha Musk miliyari eshatu gusa z’amadolari kuko afite miliyari 184 z’amadolari.

Aba baherwe uko ari babiri bakurikirwa na Bill Gates washinze Microsoft ufite miliyari 132 z’amadolari.

Forbes yatangaje ko imigabane ya Bezos muri Amazon yataye agaciro cyane kuri uyu wa Gatatu, nyuma y’impungenge ko abo mu Ishyaka ry’Aba-Démocrates nibaramuka batsindiye imyanya myinshi muri sena hazashyirwaho amategeko agamije kugenzura cyane sosiyete nini z’ikoranabuhanga.

Icyakora umwaka ushize imigabane ya Amazon yiyongereyeho miliyari 75 z’amadolari, bituma iyo sosiyete umwaka urangira ifite agaciro ka miliyari 173.3 z’amadolari, kubera ubwiyongere bw’abahahira kuri internet mu bihe bya COVID-19.

Imigabane ya Musk muri Tesla nayo yariyongereye ndetse cyane muri uwo mwaka kuko agaciro kayo kageze kuri miliyari 106 z’amadolari, bivuze ko muri uwo mwaka agaciro k’imigabane ye kiyongereye ku kigero cya 743 %.

Musk asanganywe indi sosiyete ya SpaceX ifite umushinga wo gukora ibikoresho byo kugeza abantu kuri Mars.

Elon Musk arushwa na Jeff Bezos miliyari eshatu z'amadolari ya Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .