Ellen DeGeneres yanduye COVID-19

Yanditswe na Umwali Zhuri
Kuya 11 Ukuboza 2020 saa 09:13
Yasuwe :
0 0

Ellen DeGeneres w’imyaka 62 yanduye Coronavirus, aba umwe mu byamamare byinshi byo muri Leta Zunze Ubumwe za Amerika byibasiwe n’iki cyorezo kuva cyakwadukira Isi mu mpera z’umwaka ushize wa 2019.

Ku wa Kane w’iki Cyumweru nibwo Ellen yatangaje ko yanduye COVID-19 gusa ko ari kugenda amererwa neza. Ellen yamamaye kuri Televiziyo mu kiganiro cyitwa The Ellen DeGeneres Show.

Yatangaje ko umuntu wese wabonanye nawe, yamaze kumenyeshwa ku buryo yishyize mu kato ndetse ko ari gukurikiza amabwiriza y’inzego z’ubuzima. Ati “Tuzongera kubonana nyuma y’ibiruhuko, mukomeza mugira ubuzima bwiza kandi mutekane.”

Mu Ukwakira uyu mwaka, The Ellen DeGeneres Show, ni kimwe mu biganiro bya mbere byo kuri televiziyo byongeye guha ikaze abantu ariko bake ku buryo babashaka kubikurikira bari aho byakorewe.

Ubusanzwe aho akorera ibiganiro bye haba hashobora kwinjiramo abantu 300 ariko uwo mubare waragabanyijwe cyane mu kwirinda ikwirakwira rya COVID-19 kuko nko ku itariki 28 Ukwakira abantu 40 gusa aribo babyitabiriye.

Hari hashize iminsi hari abatumirwa bamwe na bamwe babyitabira mu buryo bw’ikoranabuhanga, nka kimwe cyafasha kwirinda ikwirakwira rya COVID-19. Yaherukaga kwakira Justin Bieber, Lil Nas X n’abandi.

Ellen DeGeneres yanduye COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .