Ecosse yabaye igihugu cya mbere ku Isi cyemeje ko ibikoresho byifashishwa n’abagore mu gihe cy’imihango bitangirwa ubuntu

Yanditswe na Umwali Zhuri
Kuya 25 Ugushyingo 2020 saa 08:01
Yasuwe :
0 0

Ecosse yabaye igihugu cya mbere ku Isi cyemeje ko ibikoresho by’isuku byifashishwa n’abagore mu gihe bari mu mihango bigomba kujya bitangirwa ubuntu kuri bose.

Abadepite bagize Inteko Ishinga Amategeko y’iki gihugu nibo bemeje ko ibyo bikoresho bitazongera gucuruzwa mu mwanzuro batoye kuri uyu wa kabiri.

Ubu inzego z’ubuyobozi muri iki gihugu zifite inshingano zigenwa n’itegeko z’uko zigomba guharanira ko ibyo bikoresho byose biboneka nta kiguzi ku muntu wese ubikeneye. Kuva mu 2016 nibwo Umudepite witwa Monica Lennon yagejeje ku nteko umushinga w’iri tegeko, kuva icyo gihe yarwanaga akora ibishoboka byose kugira ngo utorwe.

Hari ubushakashatsi bwari bwarigeze gukorwa bugaragaza ko nibura umwe mu banyeshuri bane biga mu mashuri makuru na kaminuza muri Ecosse agorwa no kubona ibi bikoresho by’isuku.

Ni mu gihe nibura 10% by’abakobwa bo mu Bwongereza nabo bagorwa no kubona ibi bikoresho, 15% bo babura ubushobozi bwo kubigura mu gihe abandi 19% bo bashyizwe mu cyiciro cy’abafite amikoro make yo kubona ikiguzi cyabyo.

Ibikoresho by'isuku bikenerwa n'abagore mu gihe bari mu mihango bigiye kujya bitangirwa ubuntu muri Ecosse

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .