Trump yavuze ko u Burayi bwungukira mu bucuruzi bukorana na Amerika kuko ikinyuranyo cy’ibyo u Burayi bwohereza muri Amerika ugereranyije n’ibyo Amerika yohereza mu Burayi.

Mu mwaka ushize, ikinyuranyo cy’ubucuruzi hagati ya Amerika n’u Burayi cyari miliyari 161$. Gusa mu bijyanye na serivisi, ikinyuranyo cy’ibyo Amerika yacuruje mu Burayi n’ibyo yaguze ni miliyari 108$ ari mu nyungu za Amerika.

Iki kinyuranyo ntabwo Trump acyitaho, icyo we arebaho cyane ni ikinyuranyo kiri mu bucuruzi, aho kuba ikiri muri serivisi, Trump akifuza ko u Burayi bwaziba iki cyuho binyuze mu kugura peteroli na gaz biturutse muri Amerika.

Ikibazo ni uko u Burayi busanzwe bugura peteroli na gaz nyinshi muri Amerika, kuko mu gihembwe cya mbere cy’uyu mwaka, 17% bya peteroli na 47% bya gaz yaguzwe n’u Burayi, yaturutse muri Amerika.