00:00:00 IGIHE NETWORK KN KINYARWANDA EN ENGLISH FR FRANCAIS

Croatia yinjiye muri Schengen, Romania na Bulgaria biterwa utwatsi

Yanditswe na IGIHE
Kuya 9 Ukuboza 2022 saa 11:39
Yasuwe :

Abaminisitiri b’umutekano b’Umuryango w’Ubumwe bw’u Burayi, batoye umwanzuro wemerera Croatia kwinjira mu gace ka Schengen, mu gihe Romania na Bulgaria byangiwe.

Croatia yabaye igihugu cya 27 kigize agace ka Schengen. Komisiyo ya EU yari ishyigikiye ko ibi bihugu bitatu byinjira muri Schengen, igizwe n’abaturage miliyoni 420 ariko ntibyakunda.

Croatia yinjiye muri EU mu 2013, Romania na Bulgaria byinjiye muri uyu muryango mu myaka itandatu ishize.

Minisitiri w’Intebe wa Croatia, Andrej Plenkovic, yishimiye iki cyemezo cyatumye igihugu cye guhera kuwa 1 Mutarama izafungurira imipaka ibindi bihugu bihuriye muri aka gace nka Slovenia na Hongrie.

Agace ka Schengen muri rusange kagizwe n’ibihugu 27 by’i Burayi byashyize umukono ku masezerano yasinyiwe i Schengen muri Luxembourg, bikemeranya gukora nk’agace kamwe mu bijyanye n’ingendo mpuzamahanga no kugenzura imipaka ku buryo ingendo hagati yabyo zikorwa mu bwisanzure.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .