COVID-19: U Bushinwa bwagaragaje ko inkingo zabwo zifite ubushobozi buke

Yanditswe na IGIHE
Kuya 12 Mata 2021 saa 08:42
Yasuwe :
0 0

Ikigo gishinzwe kurwanya no gukumira ibyorezo mu Bushinwa, cyatangaje ko inkingo za COVID-19 iki gihugu cyakoze zifite ubushobozi buke mu bijyanye no guhangana na Coronavirus, gisaba ko harebwa uburyo zavangwa kugira ngo zirusheho gutanga umusaruro.

Mu nama yabaye ku wa 10 Mata, Umuyobozi w’Ikigo gishinzwe kurwanya no gukumira ibyorezo mu Bushinwa, “Gao Fu yavuze ko inkingo z’u Bushinwa zidatanga ikigero cyo hejuru cy’uburinzi”.

Gao yakomeje avuga ko hari kurebwa niba hafatwa umwanzuro wo kuvanga izi nkingo kugira ngo zirusheho gutanga umusaruro. Ati “Ubu biri kwigwaho niba dushobora kuvanga inkingo zitandukanye mu rwego rwo gutanga uburinzi.”

U Bushinwa butangaje ibi mu gihe ubushakashatsi bwakorewe muri Brésil bwagaragaje ko ubushobozi bw’urukingo rwa Sinovac rwakorewe mu Bushinwa mu bijyanye no gukingira COVID-19 buri ku kigero cya 50%.

Umuvugizi wa Sinovac, Liu Peicheng, yavuze ko kuba urukingo rwabo rudatanga uburinzi buhagije biterwa n’imyaka y’uruhawe, ubukana bwa virusi ndetse n’izindi mpamvu zitandukanye.

Si ubwa mbere igitekerezo cyo kuvanga inkingo za COVID-19 cyaba kibayeho kuko amakuru dukesha Euronews agaragaza ko hari n’ubushakashatsi buri gukorerwa mu Bwongereza kugira ngo harebwe niba urukingo rwa Pfizer-BioNTech rwavangwa n’uwa AstraZeneca kugira ngo zirusheho gutanga umusaruro.

Ikigo gishinzwe kurwanya ibyorezo mu Bushinwa cyatangaje ko inkingo za Coronavirus zakorewe muri iki gihugu zifite ubushobozi buke

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .