Covid-19: U Bushinwa bugiye gukingira abantu miliyoni 50 mu kwezi kumwe

Yanditswe na Bukuru JC
Kuya 18 Ukuboza 2020 saa 07:47
Yasuwe :
0 0

U Bushinwa burateganya kuba bwakingiye icyorezo cya Coronavirus abantu bagera kuri miliyoni 50 bitarenze Mutarama umwaka utaha ubwo hazaba hizihizwa umwaka mushya.

Ikinyamakuru South China Morning Post cyatangaje ko u Bushinwa bufite gahunda ya vuba yo gutangira gukwirakwiza inkingo miliyoni 1oo zakozwe na sosiyete Sinopharm na Sinovac Biotech Ltd.

Abibasiwe kurusha abandi nibo bazaherwaho bakingirwa. Kugeza ubu Bushinwa bwamaze kwemeza ubwoko bune bw’inkingo ngo butangire gukoreshwa. Harimo bubiri bwakozwe na Sinopharm, bumwe bwakozwe na Sinovac na rumwe rwakozwe na CanSino Biologics Inc ariko rwo rukazakoreshwa n’igisirikare.

Biteganyijwe ko miliyoni 50 by’inkingo bizaba byatanzwe bitarenze tariki 15 Mutarama, mu gihe izindi zizatangwa bitarenze tariki 5 Gashyantare.

Hazabanza gukingirwa abakora mu rwego rw’ubuzima, abapolisi, abarwanya inkongi z’umuriro, abakora kuri za gasutamo, abohereza ibicuruzwa hanze n’abakora mu byo gutwara abantu n’ibintu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .