Coronavirus ku wa 6 Kamena: Abamaze gupfa ku Isi bagiye kugera ku bihumbi 400

Yanditswe na Habimana James
Kuya 6 Kamena 2020 saa 09:15
Yasuwe :
0 0

Ishami ry’Umuryango w’Abibumbye ryita ku Buzima, OMS, rigaragaza ko abicwa na coronavirus bakomeje kwiyongera, kuko ubu abantu 398 260 bamaze gupfa.

OMS kandi yagaragaje ko abandura nabo bakomeye kwiyongera, kuri uyu wa Gatanu abanduye bashya bari ibihumbi 148.

Abamaze kwandura ku Isi yose ni 6 851 720 mu gihe abamaze gukira ari 3 351 419.

Brésil nicyo gihugu gikomeje kugira abapfa n’abandura benshi ku Isi, kuri uyu wa Gatanu cyapfushije abantu 1 008 mu gihe abandi 30 136 banduye. Leta Zunze Ubumwe za Amerika zo zapfushije abantu 975 mu gihe abandi 25 393 banduye.

Kugeza ubu kandi Leta Zunze Ubumwe za Amerika nizo zikomeje kuza imbere mu kugira umubare w’abanduye n’abamaze gupfa benshi ku Isi, kuko abamaze kwandura ni 1 965 912 naho abamaze gupfa ni 111 394.

Brésil niyo iza ku mwanya wa Kabiri aho ifite abanduye 646 006 naho abamaze gupfa ni 35 047, u Burusiya buza ku mwanya wa Gatatu kuko bufite abanduye 449 834, hamaze gupfa 5 528, muri Espagne handuye 288 058 hamaze gupfa 27 134, naho mu Bwongereza handuye 283 311, hamaze gupfa 40 261.

Ku mugabane wa Afurika hamaze kugaragara abantu 179 337 banduye Coronavirus, abamaze gupfa ni 4 942 naho abakize ni 80 324.

Afurika y’Epfo iri imbere mu kugira abafite ubwandu benshi kuko ari 43 434, abamaze gupfa ni 908, ikurikirwa na Misiri ubu ifite abamaze gupfa benshi kuri uyu mugabane kuko bageze kuri 1 166 naho abamaze kwandura ni 31 115.

Muri Afurika y’Iburasirazuba, Kenya ni cyo gihugu cyugarijwe cyane kuko hamaze kwandura abantu 2 474, hapfuye 79.

U Rwanda rufite abanduye 420, hamaze gupfa abantu babiri ariko hamaze gukira abandi 282, muri Uganda hari abanduye 557, Tanzania ifite abanduye 509 hamaze gupfa 21, mu Burundi handuye abantu 63 hapfa umwe naho muri Sudani y’Epfo hamaze kwandura abantu 994, hamaze gupfa 10.

Mu bihugu bihana imbibi n’u Rwanda, Repubulika Iharanira Demokarasi ya Congo niyo yibasiwe cyane, kuko ubu ifite abanduye 3 764 barimo 81 bamaze gupfa.

Abamaze kwicwa na Coronavirus bagiye kugera ku bihumbi 400

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .