Coronavirus ku wa 19 Gicurasi: Abanyamerika barenga 1500 bapfuye mu munsi umwe, ibihumbi 20 barandura

Yanditswe na Habimana James
Kuya 20 Gicurasi 2020 saa 12:24
Yasuwe :
0 0

Inzego z’ubuzima muri Leta Zunze Ubumwe za Amerika, zatangaje ko kuri uyu wa Kabiri abantu 1 552 bapfuye mu munsi umwe bazize Coronavirus, naho abandi 20 289 barayandura.

Imibare igaragaza ko abapfa muri iki gihugu biyongereye kuko abapfuye ku wa Mbere bari 1 003. Byatumye abamaze kwandura Coronavirus muri iki gihugu barenga miliyoni 1.57, naho abandi ibihumbi 93.5 bamaze gupfa.

Ku rwego rw’Isi, Ishami ry’Umuryango w’Abibumbye ryita ku buzima, OMS, ryatangaje ko abamaze kwandura kugeza magingo aya barenga miliyoni 4.9, naho abamaze gupfa basaga ibihumbi 324.

Igihugu cya Brésil gikomeje kugaragara mu bihugu byibasiwe cyane n’iki cyorezo ku Isi, kuko kuri uyu wa Kabiri handuye abantu 16 517 naho abandi 1130 barapfa.

Leta Zunze Ubumwe za Amerika nizo zikomeje kuza imbere mu kugira umubare w’abanduye n’abamaze gupfa ku Isi, u Burusiya buri ku mwanya wa Kabiri mu banduye kuko ari 299 941, hamaze gupfa 2 837.

Espagne iza ku mwanya wa gatatu kuko bufite abanduye 278 803 hamaze gupfa 27 778, muri Brésil handuye 271 885, hamaze gupfa 17 983, mu Bwongereza handuye 248 818, hamaze gupfa 35 341.

Ku mugabane wa Afurika wose hamaze kugaragara abantu 93 229 banduye Coronavirus, abamaze gupfa basaga 2 925 naho abakize ni 36 809.

Afurika y’Epfo iri imbere mu kugira abafite ubwandu benshi kuko ari 17 200, abamaze gupfa ni 312, ikurikirwa na Misiri ubu ifite abamaze gupfa benshi kuri uyu mugabane, kuko bageze kuri 659 naho abamaze kwandura ni 13 484.

Muri Afurika y’Iburasirazuba, kugeza ubu igihugu kiza imbere mu bwandu bwinshi ni Kenya kuko hamaze kwandura 963 hapfuye 50, Tanzania iza ku mwanya wa kabiri, kuko handuye 509 hapfuye 21, u Rwanda rufite abanduye 308 abamaze gukira ni 209, muri Uganda hamaze kwandura 260, mu Burundi handuye abantu 42 hapfa umwe naho muri Sudani y’Epfo hamaze kwandura abantu 290 hamaze gupfa bane.

Abanyamerika bakomeje kwicwa na coronavirus ari benshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .