00:00:00 IGIHE NETWORK KN KINYARWANDA EN ENGLISH FR FRANCAIS

Christian Kaboré wahoze ari Perezida wa Burkina Faso yarekuwe

Yanditswe na IGIHE
Kuya 7 April 2022 saa 09:34
Yasuwe :

Ubutegetsi bwa Gisirikare muri Burkina Faso bwarekuye Roch Marc Christian Kaboré wahoze ayobora icyo gihugu, nyuma y’amezi abiri afungiwe mu nzu yaje no kweguriramo.

Kaboré w’imyaka 64 yafunzwe nyuma ya kudeta (coup d’état) yakorewe n’igisirikare ku wa 24 Mutarama.

Yemerewe gusanga umuryango we mu murwa mukuru Ougadougou, nk’uko Guverinoma y’inzibacyuho yabitangaje kuri uyu wa Gatatu.

Yarekuwe nyuma y’igitutu Burkina Faso yari ikomeje gushyirwaho n’Umuryango w’Ubukungu bwa Afurika y’Iburengerazuba, wasabye ubutegetsi kumurekura no kugaragaza "uburyo bwumvikana" bwo gusubizaho ubutegetsi muri demokarasi.

Ubuyobozi bwa gisirikare bwaherukaga kwemeza ko buzamaraho inzibacyuho y’amezi 36, igihe kitavugwaho rumwe.

Guverinoma yemereye Kaboré ko hazashyirwaho uburyo bw’umutekano kugira ngo "umutekano we wizerwe."

Kaboré yayoboye Burkina Faso kuva mu 2015 kugeza mu 2022. Yabaye Minisitiri w’Intebe wa Burkina Faso hagati ya 1994 na 1996 na Perezida w’Inteko Ishinga Amategeko kuva mu 2002 kugeza mu 2012

Roch Marc Christian Kaboré wahoze ari Perezida wa Burkina Faso yarekuwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .