Chancelière w’u Budage yavuganiye ibihugu bikennye ku kubona urukingo rwa COVID-19

Yanditswe na Philbert Girinema
Kuya 23 Ugushyingo 2020 saa 11:29
Yasuwe :
0 0

Chancelière w’u Budage, Angela Merkel, yagaragaje impungenge z’uburyo ibihugu bikennye bizagerwaho n’urukingo rwa COVID-19 ruri hafi kuboneka.

Yabigarutseho mu nama ya G20 aho abakuru b’ibihugu bayitabiriye baganiriye ku gusangizanya urukingo rwa COVID-19 mu buryo butarimo gutsikamira uruhande urwo arirwo rwose.

Gusa Merkel yavuze ko intambwe ziganisha mu gusangizanya uru rukingo zigenda biguru ntege, avuga ko iki kibazo azakigeza ku ihuriro rishinzwe inkingo, GAVI.

Aya magambo ye yayavuze nyuma y’aho Leta Zunze Ubumwe za Amerika zitangaje ko Abanyamerika ba mbere bazakingirwa nibura guhera tariki ya 11 Ukuboza.

Muri iyi nama, ibihugu bikize, byijeje ubufasha ibikennye bifite ubukungu bwashegeshwe n’iki cyorezo, gusa ntihasobanuwe mu buryo burambuwe uko ubwo bufasha buzatangwa.

Kugeza ubu, COVID-19 imaze guhitana abantu barenga miliyoni 1,4 ku Isi mu gihe abamaze kuyandura guhera mu mpera z’umwaka ushize ari miliyoni 60.

G20 yijeje kandi ko igiye gutera inkunga ibikorwa byo gutubura no gukwirakwiza urukingo rwa COVID-19, hamwe n’ibijyanye no kuvura iyi ndwara hamwe no kuyipima.

Chancelière w’u Budage, Angela Merkel, yagaragaje ko ibihugu bikennye bikwiye kwitabwaho mu kugerwaho n'urukingo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .