Bwa mbere u Bushinwa bwamaze umunsi wose ntawanduye Coronavirus

Yanditswe na IGIHE
Kuya 23 Gicurasi 2020 saa 12:36
Yasuwe :
0 0

Kuva icyorezo cya Coronavirus cyakwaduka mu Isi, u Bushinwa bwamaze amasaha 24 nta muntu n’umwe usanzwemo iki cyorezo.

Ikigo gishinzwe ubuzima mu Bushinwa, kuri uyu wa Gatandatu cyatangaje ko ejo kuwa Gatanu nta muntu babonye wanduye Coronavirus, mu gihe ku munsi wabanje hari habonetse abantu bane.

U Bushinwa burimo kugabanya cyane umubare w’abanduye Coronavirus, kuva muri Werurwe, bitewe ahanini no guhagarika ingendo zitemewe bituma bubasha kugenzura icyorezo mu bice byose by’igihugu.

Kuri ubu abasanganwa Coronavirus ni abashinwa barimo gutahuka bavuye mu bindi bihugu. Muri Wuhan aho iki cyorezo cyatangiriye, mu kwezi gushize hagaragaye ubwandu bushya bituma hafatwa ingamba nshya zo gupima abantu, aho abagera kuri miliyoni 11 zose batuye icyo gice bapimwe.

Kugeza ubu abamaze kwandura Coronavirus mu Bushinwa, bageze kuri 82 971, mu gihe abamaze gupfa bageze ku 4 634.

Kuri uyu wa Gatanu mu Bushinwa nta muntu n'umwe wasanganwe Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .