Bwa mbere ku Isi abantu ibihumbi 284 banduye Coronavirus mu munsi umwe

Yanditswe na Bukuru JC
Kuya 25 Nyakanga 2020 saa 09:13
Yasuwe :
0 0

Ishami ry’Umuryango w’Abibumbye ryita ku buzima (OMS), ryatangaje ko mu masaha 24 yo kuri uyu wa Gatanu tariki 24 Nyakanga 2020, ku Isi yose abantu 284,196 banduye Coronavirus, bikaba ari ubwa mbere bibayeho mu munsi umwe.

Ubwiyongere bw’abanduye benshi bwabaye muri Leta zunze Ubumwe za Amerika, Brazil, u Buhinde na Afurika y’Epfo. Abapfuye biyongereyeho 9,753, ukaba ari wo mubare munini w’abapfuye ubonetse ku munsi umwe kuva ku wa 30 Mata 2020, ubwo habonekaga abapfuye 9,797.

Kuva Coronavirus yagera muri Leta zunze Ubumwe za Amerika hamaze kwandura abantu 4,248,492, hamaze gupfa 148,492.

Muri Afurika hamaze kwandura abantu 789 151, hamaze gupfa 16 705; ibihugu bitanu bifite umubare munini ku isonga hari Afurika y’Epfo ifite abantu 408 052 banduye, Misiri ifite 90 413, Nigeria ni 38 948, Ghana ni 29 672 naho muri Algeria hari 25 484 banduye.

Ku mugabane w’u Burayi hamaze kwandura abantu 2 761 681, hapfuye 201 444. U Burusiya bufite abantu 795 038 banduye, u Bwongereza bufite 297 146, Espagne ni 270 166, u Butaliyani ni 245 338 naho u Budage ni 204 183.

Kuva tariki 31 Ukuboza 2019 kugeza tariki 24 Nyakanga 2020, ku Isi yose abantu 15 477 472 bamaze kwandura Coronavirus barimo 633 122 bapfuye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .