Brésil: Urupfu rw’umwirabura rwateje imyigaragambyo ikomeye, amaduka aratwikwa (Amafoto)

Yanditswe na Umwali Zhuri
Kuya 21 Ugushyingo 2020 saa 11:05
Yasuwe :
0 0

Muri Brésil hadutse imyigaragambyo ikomeye yamagana urupfu rw’umugabo w’umwirabura wishwe n’abazungu babiri bashinzwe umutekano hanze y’iguriro rimwe riherereye muri iki gihugu.

Ubu bwicanyi bwabaye ku wa Kane, mbere y’umunsi ukomeye mu mateka y’iki gihugu uzwi nka Black Consciousness Day aho abaturage baba bagamagana ivangura abirabura bakorerwa, bagasaba ko nabo bahabwa uburenganzira bungana n’abandi.

Ubusanzwe ni umunsi wo kwamagana ivanguraruhu ubaho buri gihe. Urwo rupfu rwatumye ibintu birushaho kudogera, maze abirabura biroha mu mihanda bafite ibyapa byamagana irondaruhu, bamena inzugi, batwika amaguriro n’ibindi bitandukanye.

Hari amashusho yakwirakwiriye ku mbuga nkoranyambaga agaragaza umugabo witwa Joao Alberto Silveira Freitas w’imyaka 40 ari gukubitwa ibipfunsi mu isura n’abashinzwe umutekano hanze y’iguriro rizwi nka Carrefour mu Mujyi wa Porto Alegre.

Iri guriro rya Carrefour rifite inkomoko mu Bufaransa, ryatangaje ko ryatandukanye n’Ikigo cyari cyarihaye abo barinzi.

Brésil ifite amateka akomeye ajyanye n’ivanguraruhu kuko ni cyo gihugu cya nyuma cyo muri Amerika y’Epfo cyakuyeho ubucakara mu myaka ya 1888. Imibare igaragaza ko hafi 50% y’abatuye iki gihugu ari abirabura.

Muri iki gihugu ikintu cyose gifite aho gihuriye n’ivanguraruhu ntabwo abaturage bajya bacyihanganira, biroha mu mihanda ndetse bagasaba n’abayobozi babo kwegura.

Amafoto y’iyi myigaragambyo


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .