Brésil: Umubare w’abavuga ko batazemera urukingo rwa Covid-19 ukomeje kwiyongera

Yanditswe na Bukuru JC
Kuya 13 Ukuboza 2020 saa 07:59
Yasuwe :
0 0

Abanya- Brésil batifuza guhabwa urukingo rwa Coronavirus bakomeje kwiyongera, aho ikusanyabitekerezo rishya rigaragaza ko bageze kuri 22 % bavuye ku 9 % muri Kanama uyu mwaka.

Iyi mibare yiyongereye mu gihe icyo gihugu cyibasiwe n’ubwiyongere bwa Coronavirus, kikaba kinateganya gutangira gukingira mu minsi ya vuba.

Ikusanyabitekerezo ry’ikigo Datafolha ryagaragaje ko 22 % by’abaturage ba Brésil batifuza kuzahabwa urukingo rwa Coronavirus. Mu babajijwe kandi, hari abangana na 5 % bavuze ko bataramenya niba bazafata urwo rukingo.

Perezida wa Brésil, Jair Bolsonaro ni umwe mu bantu bakunze kutemera ingamba zo kurwanya Coronavirus zirimo gufunga ibikorwa bimwe na bimwe ndetse n’inkingo.

Mu Ugushyingo yavuze ko atazemera guhabwa urukingo rwa Coronavirus niruboneka kandi ashimangira ko ari uburenganzira bwe.

Uyu mugabo by’umwihariko yanenze urukingo ruri gukorerwa mu Bushinwa rwitwa Sinovac.

Abakoze ikusanyabitekerezo bagaragaje ko 50 % by’abakoreweho ubushakashatsi bavuze ko batazemera guterwa urukingo rwakorewe mu Bushinwa mu gihe 47 % aribo bavuze ko bazarwemera.

Brésil ni igihugu cya gatatu cyibasiwe kurusha ibindi ku isi aho abasaga miliyoni 6.8 banduye Coronavirus. Abasaga ibihumbi 180 bamaze guhitanwa n’iyo ndwara.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .