00:00:00 IGIHE NETWORK KN KINYARWANDA EN ENGLISH FR FRANCAIS

Borne yabaye umugore wa Mbere wagizwe Minisitiri w’Intebe w’u Bufaransa mu myaka 30

Yanditswe na Umwali Zhuri
Kuya 16 May 2022 saa 10:12
Yasuwe :

Perezida w’u Bufaransa, Emmanuel Macron, yagennye Elisabeth Borne wahoze ari Minisitiri w’abakozi nka Minisitiri w’Intebe mushya, aba umugore wa mbere ufashe izo nshingano mu myaka irenga 30.

Borne yagizwe Minisitiri w’Intebe nyuma y’aho Jean Castex yari amaze kwegura, umugenzo usanzwe nyuma y’amatora y’Umukuru w’Igihugu.

Mu ijambo rye, Borne yatuye uyu mwanya abakobwa bakiri bato, avuga ko bigaragaza ko nabo bashobora kugera ku ndoto zabo.

Yavuze ko igihugu cye gikeneye gukora impinduka zikomeye kandi zihutirwa mu ngeri zirimo kurwanya imihindagurikire y’ibihe no guharanira ko ubukungu bw’Abafaransa buzamuka.

Borne w’imyaka 61, ni we mugore wa mbere ubaye Minisitiri w’Intebe w’u Bufaransa kuva Edith Cresson yafata izo nshingano mu 1991. Icyo gihe u Bufaransa bwayoborwaga na François Mitterrand.

Elisabeth Borne yagizwe Minisitiri w'Intebe w'u Bufaransa w'umugore wa mbere mu myaka 30

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .