00:00:00 IGIHE NETWORK KN KINYARWANDA EN ENGLISH FR FRANCAIS

Boeing yaciwe miliyoni $200 izira kubeshya abashoramari ku ndege za 737 MAX

Yanditswe na IGIHE
Kuya 23 September 2022 saa 12:12
Yasuwe :

Ubuyobozi bwa Leta Zunze Ubumwe za Amerika bwahanishije uruganda rukora indege, Boeing, n’uwari umuyobozi warwo Dennis Muilenburg, kwishyura miliyoni 200 z’amadolari kubera ko bashyize imbere inyungu kurenza ubuzima bw’abantu, bakabeshya abashoramari ku buziranenge bw’indege za 737 MAX.

Izi ndege zakoze impanuka mu 2018 na 2019 muri Indonesia na Ethiopia, zihitana ubuzima bw’abagera kuri 346.

Dennis Muilenburg wari umuyobozi wa Boeing, agomba kwishyura miliyoni imwe y’amadolari. Uyu yeguye mu Ukuboza 2019 hashize amezi icyenda gusa indege ya kabiri 737 MAX 8 ikoze impanuka.

Urwego rufite mu nshingano kurengera abashoramari rwatangaje ko rukurikije impanuka ebyiri zakozwa na Boeing 737 MAX, uru ruganda n’umuyobozi warwo bashyize imbere inyungu zabo kuruta ubuzima bw’abantu, bakabeshya abashoramari bagamije kubungabunga isura ya Boeing nyuma y’impanuka yakoze.

Boeing yavuze ko yakoze impinduka nyinshi kandi zikomeye kuva habaho impanuka, haba mu bwiza no ku mutekano w’indege za 737 MAX.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .