BMW yaciwe miliyoni 18$ ishinjwa kubeshya ingano y’umubare w’imodoka yacuruje

Yanditswe na Ishimwe Deborah
Kuya 27 Nzeri 2020 saa 11:32
Yasuwe :
0 0

Sosiyete y’Abadage ikora imodoka, BMW, yaciwe miliyoni 18 z’amadolari nyuma y’uko bigaragariye ko yatanze imibare itari ukuri y’imodoka yagurishije mu myaka itanu ishize.

Hagati y’umwaka wa 2015 na 2019 bivugwa ko uru ruganda rwatangaje imibare itari ukuri y’imodoka rwacuruje by’umwihariko muri Leta Zunze Ubumwe za Amerika kugira ngo rubashe guhuza ingano y’ibyacurujwe n’intego nyakuri y’imodoka rwari rwarihaye nk’izo rugomba gukora muri icyo gihe.

Si rwo ruganda rw’imodoka rwa mbere ruciwe amande ku bwo kubeshya imibare y’ibyacurujwe kuko mu Ugushyingo 2019 nabwo Fiat Chrysler yaciwe miliyoni 40 z’amadolari ya Amerika ishinjwa kubeshya abashoramari ku ngano y’imodoka yacuruje mu kwezi.

BMW ni sosiyete ya kabiri ikora imodoka nyinshi mu Budage kuko mu 2019 yacuruje 2520357, umubare wiyongereyeho 1.2% ugereranyije n’umwaka wari wabanje.

BMW izwi ho gukora imodoka zijyanye n'igihe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .