Covid-19: Bill Gates yatanze umuburo ko Amerika ishobora guhura n’ibyago bikomeye mu mezi atandatu ari imbere

Yanditswe na IGIHE
Kuya 14 Ukuboza 2020 saa 08:26
Yasuwe :
0 0

Umuherwe Bill Gates yatanze umuburo ko amezi ane kugera kuri atandatu ari imbere ari mabi cyane kuko aribwo icyorezo cya Covid-19 gishobora gukaza umurego muri Leta Zunze Ubumwe za Amerika.

Bill Gates yabitangaje mu kiganiro yagiranye na CNN ku Cyumweru. Aya magambo y’uyu muherwe aje mu gihe abantu bari batangiye gusubiza agatima mu nda no kwiruhutsa bibwira ko ubwo urukingo rubonetse ibintu bigiye gusubira ku murongo.

Gates yavuze ko amezi ane kugera kuri atandutu ari imbere ashobora kuba mabi cyane ashingiye kubyerekanwa n’Ikigo cy’Ibarurishamibare mu bijyanye n’ubuvuzi.

Ati “Birababaje, amezi ane ari imbere kugera kuri atandatu ashobora kuba mabi cyane ku bijyanye n’iki cyorezo, imibare ya Institut of Health Metrics and Evaluation yerekana ko imbere hashobora gupfa abandi bantu basaga ibihumbi 200.”

Kugira ngo hirindwe izi ngaruka zishobora kugera kuri Leta Zunze Ubumwe za Amerika mu minsi iri imbere uyu mugabo yasabye ko abantu barushaho kubahiriza amabwiriza yashyizweho n’inzego z’ubuzima arimo no kwambara agapfukamunwa neza.

Kuri uyu wa Mbere biteganyijwe ko ari bwo ibikorwa byo gukingira Covid-19 muri Leta Zunze Ubumwe za Amerika bitangira ku ikubitiro inkingo zikazahabwa abafite ibyago byinshi byo kwandura iki cyorezo barimo abaganga.

Kugeza ubu abamaze kwandura Covid-19 muri Leta Zunze Ubumwe za Amerika babarirwa muri miliyoni 16 mu gihe abo imaze guhitana abarenga ibihumbi 299.

Bill Gates yavuze ko mu mezi atandatu ari imbere Covid-19 ishobora kurushaho gukaza umurego

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .