Biden yemeje ko Amerika ariyo yagabye igitero ku barwanyi ba Iran muri Syria

Yanditswe na Muhonzire Sylvine
Kuya 26 Gashyantare 2021 saa 09:50
Yasuwe :
0 0

Nyuma y’ukwezi n’icyumweru kimwe gusa arahiriye kuba Perezida mushya wa Leta Zunze Ubumwe z’Amerika, Joe Biden, yemeje ko abasirikare b’igihugu cye aribo bagabye igitero ku birindiro by’inyeshyamba zo muri Iran ziba muri Syria kuri uyu wa Kane.

Iki gitero cyahitanye abarwanyi 17 ndetse kinacyangiza bimwe mu bikorwa byifashishwaga n’imitwe yabo hafi y’umupaka.

Biden yemeje ko cyari igisubizo ku gitero inyeshyamba zo muri Iran zagabye ku banyamerika bari mu mirimo yabo muri Iraq mu byumweru bibiri bishize, ndetse no mu gace gaherereyemo amabasade yabo. cyahitanye umuntu umwe gikomeretsa abandi benshi.

Igisirakare cya Amerika cyavuze ko imitwe ibiri cyagabyeho igitero ari iyitwa Kataib Hezbollah na Kataib Sayyid al-Shuhada. Umuvugizi wacyo, John Kirby, yavuze ko bakigabye bahawe uburenganzira na Perezida Biden, ndetse ko batategetswe gusubiza igitero bagabweho gusa, ahubwo ko bagombaga kubaha gasopo no ku bindi bategura gukora.

Yongeyeho ati “Iki gitero cyatanze ubutumwa bwumvikana; Perezida Biden azarinda Abanyamerika bari mu butumwa hanze. Twabikoze twabigambiriye tugamije kugabanya ibitero bitugabwaho muri Iraq no mu Burasirazuba bwa Syria.”

CNN ivugo ko ahagabwe iki gitero kuwa Kane ari ahinjirizwaga intwaro mu buryo butemewe n’amategeko kugira ngo zikoreshwe n’imitwe y’inyeshyamba muri Iran.

Uretse ibi bitero, umubano wa Iran na Amerika ntiwari usanzwe umeze neza na gato, ndetse byahumiye ku murari ubwo Amerika yicaga umusirikare mukuru wafatwaga nk’intwari muri Iran, Gen Qasim Soleimani, bikarema urwango rwa nyarwo hagati y’ibihugu byombi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .