00:00:00 IGIHE NETWORK KN KINYARWANDA EN ENGLISH FR FRANCAIS

Biden agiye kugirira uruzinduko rw’amateka muri Arabie Saudite na Israel

Yanditswe na IGIHE
Kuya 15 June 2022 saa 10:45
Yasuwe :

Perezidansi ya Leta zunze Ubumwe za Amerika yatangaje ko Perezida Joe Biden azagirira uruzinduko muri Arabie Saudite na Israel mu kwezi gutaha.

Uruzinduko rwa Biden muri Arabie Saudite rwavuzweho cyane nyuma y’uko umubano w’iki gihugu na Amerika ujemo agatotsi kubera gushinja umuryango w’ibwami kwica umunyamakuru Jamal Khashoggi, no kubangamira uburenganzira bwa muntu.

Amerika ivuga ko Khashoggi wiciwe muri ambasade ya Arabie Saudite muri Turkiye mu 2018, ku mabwiriza y’igikomangoma Mohammed bin Salman.

Ushinzwe itangazamakuru muri Perezidansi ya Amerika, Karine Jean-Pierre, yemeje ko nta kabuza Biden azahura n’iki gikomangoma.

Uruzinduko rwa Biden kandi rurahuzwa n’ibibazo bihari uyu munsi by’umwihariko ibijyanye n’ibikomoka kuri Peteroli kuko Arabie Saudite ifite nyinshi cyane aho ishobora kongera utugunguru ibihumbi 648 ku munsi ku musaruro wose. Ni mu gihe intambara y’u Burusiya muri Ukraine ikomeje gutuma ibiciro bya Peteroli bizamuka.

Indi mpamvu ni ijyanye na gahunda y’intwaro za kirimbuzi muri Iran ndetse n’ijambo u Bushinwa bukomeje kugira mu Burasirazuba bwo hagati.

Muri Israel, Biden azajyayo hagati ya 13-16 Nyakanga 2022, aho azahura na Minisitiri w’Intebe, Naftali Bennett. Ni mu gihe Israel ikomeje kurwana intambara yo kugarura umwuka mwiza hagati yayo n’ibihugu by’Abarabu harimo na Arabie Saudite.

Ku rundi ruhande, ubutegetsi bwa Biden na Israel ntibumva kimwe uburyo bw’imikoranire na Iran, aho itemera ko basubukura amasezerano ku by’intwaro kirimbuzi.

Biden kandi azanahura na Perezida wa Palestine, Mahmoud Abbas, mu gushaka igisubizo cy’ikibazo cy’uduce twa Judea na Samaria kiri hagati ya Israel na Palestine.

Biden agiye gusura Arabie Saudite na Israel mu kwezi gutaha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .