Biden agiye guca agahigo ko kuba Perezida wa mbere wa USA ukuze kurusha abandi

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

Imyidagaduro - Abakobwa 20 babonye itike yo kwinjira mu mwiherero wa Miss Rwanda 2021 (Amafoto)
U Rwanda - Uko bane bahoze mu buyobozi bwa ADEPR bakozweho iperereza ku cyaha cyo kuba mu mutwe w’iterabwoba
U Rwanda - Imyitwarire y’amadini n’amatorero mu bihe bya COVID-19
U Rwanda - Ubuhamya bwa Bishop Niyomwungere wagejeje Rusesabagina i Kigali ku isiri
Coronavirus - Byabarenze: Uko igikorwa cyo gukingira Covid-19 bwa mbere cyagenze
U Rwanda - Sankara yaninuye Rusesabagina, umutangabuhamya wateje impaka: Uko iburanisha ryagenze (Amafoto na Video)

Biden agiye guca agahigo ko kuba Perezida wa mbere wa USA ukuze kurusha abandi

Yanditswe na Umwali Zhuri

Kuya 21 Ugushyingo 2020 saa 12:52

Yasuwe :

Yavuzweho:

0 0

Perezida watowe muri Leta Zunze Ubumwe za Amerika, Joe Biden, ku wa Gatanu w’iki Cyumweru yujuje imyaka 78. Mu mezi abiri ari imbere tariki ya 20 Mutarama 2021 nibwo azatangira kuyobora iki gihugu nyuma yo kurahira, azahita aca agahigo ko kuba Umukuru w’Igihugu uyoboye akuze mu mateka ya Amerika.

Afite akazi gakomeye kamutegereje karimo guhangana n’ibibazo by’ubuzima byatewe n’icyorezo cya Coronavirus, ubushomeri bwiyongereye mu gihugu n’akarengane katumye abaturage benshi biganjemo abirabura birara mu mihanda bakamagana ubuyobozi bwa Trump.

Usibye ibi bibazo, afite ku meza inshingano zikomeye zo kwereka abamutoye ko imyaka atari ikibazo, ko nubwo akuze ashobora kuyobora neza nta nkomyi.

Biden azarahira ariwe Perezida ukuze mu mateka ya Leta Zunze Ubumwe za Amerika, aciye kuri Ronald Reagan wasoje manda ze ebyiri mu 1989 afite imyaka 77 n’iminsi 349.

Umuganga wa Biden, Dr. Kevin O’Connor, muri raporo yashyize hanze mu Ukuboza umwaka ushize, yagaragazaga Biden nk’umuntu ufite ubuzima bwiza ushobora gusohoza neza inshingano zikomeye z’Umukuru w’Igihugu ndetse n’izo kuba Umugaba w’Ikirenga w’Ingabo.